~~ lifeyq8~~


 
الرئيسيةمكتبة الصورالتسجيلدخول

شاطر | 
 

 حساافه عليج ياا كوييت

اذهب الى الأسفل 
كاتب الموضوعرسالة
A7la mzuona
عضو
عضو
avatar

عدد الرسائل : 68
العمر : 26
المزاج : اوك
تاريخ التسجيل : 24/04/2008

مُساهمةموضوع: حساافه عليج ياا كوييت   الخميس أبريل 24, 2008 6:42 pm

[size=16][color=#9932cc]حسافة عليج يا كويت



دخلنا في سنة 2008 .. يعني صار لنا 18 سنة من الغزو .. يعني اللي انولد ذيج الأيام ، تخرج من الثنوية و يبي يدش الجامعة و يبي يتزوج .. يعني فيه جيل يديد طلع .. يعني السنين مرت .. يعني بدينا نكبر و نشيب ..



خلال هذي الفترة ، جم شغلة تغيرت بالكويت ، نقولها للأمانة:

· فتحنا سوق شرق و المارينا .. و توه هم بطلوا الأفنيوز.

· الجمعيات صارت شوية كشخة.

· المدينة الترفيهية صار فيها قطار ينقلب!



و يمكن جم إشارة سووها دوار .. و حطوا نفق بالدائري الخامس ، صار له دهر و ما خلص ..

للأسف ، راحت الأيام اللي الناس كانت تحسدنا لأنا كويتيين ، يوم كنا النموذج ، الناجح و الكل يشوفنا و يقلدنا ، و وده إصير مثلنا ..



صرنا آخر عمرنا المساكين اللي نكسر الخاطر ، الناس كلها طايرة ، و احنا بالغصب نلحقهم على "عربانة و حصان" ..



شوفوا الخليج اشلون قام و صار مشاريع و استثمارات و تخطيط و رؤية و تنمية و ناطحات سحاب ، و احنا لما الحين مستانسين على برج التحرير ، لا و ما يخلونا نصعده بعد !!



في دبي ، بنوا أربع جزر صناعية تنشاف من القمر ، و بالكويت مو عارفين شيسون في فيلجا !



في السعودية ، بنوا مدن طبية و مستشفيات تخصصية ، و بالكويت لما الحين قاعدين يصبغون مستشفى الصباح و يرقعون الرازي و يطفون الجهرا !



في قطر ، قاعدين يسون مدينة كاملة للطاقة ، و بالكويت ، و بعز الحر ، كل يوم يدقون علينا ، يبونا نسكر المكيفات عشان ما تنطفي علينا الكهربا !



حتى المنتخب فشلنا و رفع ضغطنا ..



مسرحياتنا صارت مليقة ، مسلسلاتنا صارت سخيفة ,,



و الكويتية إن طارت بالموعد صفقوا للكابتن !



جسر الصبية خو من انولدت و أنا أسمع فيه ، القدس راح تتحرر و احنا ليلحين نسوي دراسة بيئية حقه !



الأسعار شبت نار ، و المعاشات ما توكل خبز ، و العيشة كلها أقساط .. بيوتنا أقساط .. سياييرنا أقساط .. حتى حريمنا قمنا ناخذهم بالأقساط !



و عسى ما صارت عطلة أو إجازة ، إن شاء الله 3 أيام ، شفت الناس كلها هجت و سافرت و الديرة خلت .. و الله ما ينلامون الأوادم ، و ين نبيهم يروحون الجزيرة الخضرا ؟؟ و لا النافورة الراقصة ؟؟



حرام و الله الكويت تصير جذي ، بس تدرون .. المشكلة مو فيها ، المشكلة فينا !



بقلم دكتور كويتي[/color][/size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مستر كازانوفا
عضو
عضو
avatar

عدد الرسائل : 214
المزاج : كوووول(^_^)
تاريخ التسجيل : 24/04/2008

مُساهمةموضوع: رد: حساافه عليج ياا كوييت   الخميس أبريل 24, 2008 7:54 pm

مشكوره ويعطيج العافيه.....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
anaq8
مديره
مديره
avatar

عدد الرسائل : 71
العمر : 25
المزاج : oky
تاريخ التسجيل : 23/04/2008

مُساهمةموضوع: رد: حساافه عليج ياا كوييت   الخميس أبريل 24, 2008 7:56 pm

مشكووووور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://lifeyq8.yoo7.com
 
حساافه عليج ياا كوييت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
~~ lifeyq8~~ :: !!قسم ديرتي الكويت!!-
انتقل الى: